Ram
Uknak Sungih Tlangak
Zing khat cu siangpahrang Akbar le
Birbal kha ram an ukmi khawpi sungih hmuan pakhat sungah ke thawn an vak. Thal
caan a si ih ni khal a tlang tha zet, tlangak khal hmuan kiangah cun lungawiten
an ai, an zam, an tlang culci. Tlangak zam lai an zoh rero lai ah, Akbar in thu
pakhat a ruatsuak. A ukmi ram sungah
ziangtin tlangak tampi an um thiam tiah a thinlung ihsin ruahnak a hung suak.
Birbal cu Akbar kut hnuai ih hnatuan a
si vekin, tlangak paziat an um timi Birbal cu a sut. Birbal cun, 95, 460 (thawngsawmkua
le thawngnga le zali le sawmruk) tlangak kan ram sungah an um tiah a let lohli
thei.
Zamrangtei a let lohli thei ruangah Akbar
cu a mangbangzet. Akbar cun thu dang sut a tum lala. Na simmi hnakih tam
tlangak an um le ziangtin? tiah a sut. Birbal cun raltha zetin, ka lo simmi
hnakih tlangak tam deuh an um a si ahcun kan kiangkap ram ihsin a ram mi an si
ding tiah a sawn. Cun, na simmi hnakih mal an um ah teh? tiin a sut lala.
Birbal cun, kan ram sungih ummi tlangak pawl cu hmun dangah an lengvak tinak a
si ding tiah a let.
Zir theimi: A awlsam zawng le a tha
zawng ih thu na ruat a si ahcun lamzin timi hi a um ringring a si.
Sourcer: Kids World
No comments:
Post a Comment