Rualvah Li

Rualvah Li

Rualvah li hi pam a tlunnak hmun khuate pakhat ah an um. An lakih pathum cu an fim hrokhrawl zet, fimnak zirmi khal an si, an rualpa pakhat Shivanand cu mize zet asinan tuahnak thawi langter pawl a si.

Veikhat cu Manasa timi khawte ah feh dingin thu an bawtcat. Manasa khua hi thiamsang pawl umnak hmun a si.

Ram thing lakih an feh rero laiah, Kiosa ruhro an hmu. An rualpi pakhat Satyanand cun a thiamnak langter duh ah Kiosa ih ruhro cu amah vek ciah ih a remsuah thei ding thu a sim. An rualpi pakhat cun kiosa ih tit le taksa dang a tuahsuak sal thei ding thu a sim ve. Vidyanand khal cun a thiamnak langter duh ah kiosa cu a thaw thawn a nunter sal thei ding thu a sim.

An lakih mi aa te tiih an ruahmi Shivanand cun a rualpi pawl cu khavek kha tuah duh rero hlah uh, a tihnung thei tiah a dawn hai. Asinan an cawl duh lo. Vidyanand in a tong vekih a tuah hlah ah Shivanand cu thing parah a rak kai. Kiosa cu a hung nung ih a rualpi pathum cu a deh hai. A tak ih thleng dingmi ruat theutu Shivanand lawng a luat.

Zir theimi: Zir menmen hnakin tuahnak hi a tha sawn a si. 

Source: Moral Stories