Kalauk Tei Nufa
Kalauk
tei nufa cu an inn kiangah (ramsa hmuan) ah an zau huahhi. Hmakhatte ah a fapa
cu a tho ih ka nu thu ka lo sut thei pei maw tiah a ti. Anu cun, sut thei tuk
ee. Na thinlung lo tibuai tu a um maw si, ka fa tiah a sawn.
A
fapa cun, ka nu, kannih kalauk pawl hin ziangruangah hngawng saupi kan nei tiah
a ti. A nu cun in sut tha tuk ka fa, kannih cu ramcar ih ummi ramsa kan si
ruangah tidai retnak dingah kan tul. Kannih Kalauk pawl cu tidai lo ih nung
tiih theihmi kan si ee tiah a ti. Cuti asile ziangruangah ke phah/ kebawr tumpi
kan nei? tiah a sut. A nu cun, ka fa, hivek ke ka nei ruangah ramcar ah midang
hnakin tha sawn zetin ka feh thei a si tiah a ti. Aw a tha tuk, cuti asile
ziangruangah mitvun sah kan nei, a cang ahcun in hnaihnok zet a si tiah a sut
lala. A nu cun, ka fa hivek mitvun sah hin na mit a kilhim. Ramsar ih na um
tiah thilsia lak ihsin le le vut lak ihsin a lo kham a si tiah a ti.
A
fapa cun, a vun ruat ta ih aw si ngai. Ka theithiam ee. Kan hngawngsau cu
ramcar kan um caan ih tidai kan khawlnak dingah a si, kan kebawr sah cu ramcar
lakih kan feh theinak dingah a si, kan mitvun sah cu ramcar lakih kan mit in
kilkhawitu ding an si. Cuti asile ziangruangah hinah kan um, ramsahmuan ahhin
ziang kan tuah rero tiah a sut.
Zir
theimi: Thiamnak, theihnak, fimnak le hmuhtonmi pawl hi hmannak ding hmun dik
ih na um lawngah hman an tlak/ an tangkai a si.
Source: Unknown
Source: Unknown
No comments:
Post a Comment