Leitlun Ih Mifimbik

Vei khat cu doctor, daanthiam, puithiam le nauhak pa pawl cu mimal vazam thawn colhni zan lam ah khua an tlawng. Hla an thlen hlan ah makhatte ah, an tomi vanzam ih inzin (engine) in harsatnak a tong. Vanzam mawngtu pa cun a thei tawk in a tuah rero nan, an vanzam cun hnuailam a pam thotho. A netnak ah, vanzam mawngtu pa cun vanzam ihsin himdamtei leilung tumtheinak hnipuan phun (parachute) cu a lak ih a phurhmi pawl cu ‘nan dawp le a tha sawn ding, keicu keimah ten ka suak leh ding’ tiah a auh hai.     

Vansiatthlak zetin cuvek hnipuan cu pathum lawng a tang.

Doctor pa cun cuih hnipuan cu a cuh lohli ih, ‘doctor ka si, minung tampi ih nunnak ka runsuak, curuangah ka nun a tul a si’ tiah a tiih a tawp ve.

Danthiam pa khal cun, ‘daanthiam ka si, daanthiam pawl hi leitlun ih mifimbik kan si. Ka nun hrih hi ka phu rori’ a tiih cuih hnipuan cu va la tahrat in a tawp ve.

Puithiam pa cu nauhak pa cu a zoh ih hitin a ti, ‘ka fa, keicu hi leitlun ah kum reipi k arak nung zo. Tucun ka tar zo ve. Nangcu na hauhak tuk lai ih kum tampi na nun a tul lai hrih. Cuurangah himi hnipuan hi la aw la, thinnuamten hi leitlun ah caan va hmang hrih aw’ tiah a ti.

Nauhak pa cun cui hnipuan cu puithiam hnenah a ap sal ih, ‘na thinphang hlah ka pa. Hi leitlun ih mifimbik kha mitu te ah ka thilri thawn a dawp zo a si tiah a ti.

Zir theimi: Na hnatuan mi in zovek minung na si ti a lo simfiang ringring lo, asinan mitha na sinak in a simfiang a si.  

Sorce: Story For Kids