Na
Tuh Vekin Na At Ding
Siangpahrang sual zetin dik lo zet in
ram a uk. Mipi in an thih ding hi an cak zet. Asinan nikhat cu a ram uknak kha
a tha zawngih rem theh dingin thu a phuan tikah mipi an mangbang zet.
Ti duhdahnak, dik lo zetih thil tuahnak
pawl kha um nawn lo dingin thu a tiam. Tikcu a hungliam ih a tong vek cun a um
ngaingai. A dikmi siangpahrang tiih kawh a hlawh hngehnge. A thleng-awknak thlakhat
rei hnu ah, a ram uknak sungih bawi pakhat in raltha zetin, ‘zo nih na thinlung
danglam dingin a lo tuah, a lo danglamter?’ tiah a sut.
Siangpahrang cun, ka ram ukmi khuapi ih rang
ka to rero lai ah ram uico nih cinghnia kha deh tum ih a dawr rero lai ka hmu. A
ke ah a keu ngah man ih na a ti zet, a rak ciamco, asinan ziangtin si maw cinghnia
cu a kua ah a lut ih deh cu a deh ngah lo. A thaisun cu khua pakhat ah rang to
phah in ka feh lala ih cui ram uico cun minung pakhat a bo rero lai ka hmu
lala. Ka zoh ringring ih, cu pa cun lung tumpi a lakih uico ke ah na zetin a
den. Uico ih ke cu a kiak. Pacang pa cu rei a feh man hlan ah, rangcang pakhat
rang zetih ra tlan cun a pah ngah ih zin lai ah a tlu. A ke kha rangcang in a
pal ngah ih cu pa khal a ke a kiak ve. Cuvek ih thil cang rero cu ka ruat tikah
thil tha lo in thil tha lo a hring. Tha lo zetih ka nung vivo a si ahcun that
lonak in in lehrul ve leh ding, ka parah a thleng ve leh ding ti ka thei. Curuangah
ka thleng awknak a si tiah a ti.
Source: Unknown
No comments:
Post a Comment