Sunday, July 30, 2017

Ziangruangah Ka Riahsia Dingih?


Ziangruangah Ka Riahsia Dingih?

Veikhat  cu tlangval pakhat in fala pakhat kha a duh zet. Cui fala nu cu a mawi tuk ciamco lo nan, a hrang ahcun a duhnung zet, a ziangkim a si. Amah thawn kumkhua um tlang dingin summang a man theu. A rualpa in, ‘ziangruangah hi nu hi na ruat ciamco, amah thawn kumkhua um tlang dingin du hthu na sam bet lai, a lo duh le duh lo tla na thei sawm ih? tiah a sut. Asinan ruahnak ka lo pe duh, ‘na thinlung ih um mi kha sim mai aw, ningzak ding a um lo. Cule a lo uar le uar lo tla na thei vevo ding, na hrangah ruahsannak a um le um lo tla na thei ding’ tiah ruahnak a pe.

A rualpa ih ruahnak pekmi cu tha zet in a thei. Nunau nu cun hipa hin in duh a si ti a thok ihsin a rak thei cia. Nikhat cu tlangval pa in a bia thlang, asinan a duh lo. A fala duhmi ih a duh ve lo tikah a rualpa in zuu le rittheih si tivek thangin thinnomnak hawl ding vekah a ruat. Asinan, cuih tlangval pa cu zianghman a tham lo.

A rualpi pawl in, ‘ziangah thin na le riahsia in tla na um lo’ tiah an sut. Anih in ‘ziangruangah ka thin na dingih, kei cun keimah in duh lo tu fala ka sung ih, anih cun amah a duh zettu le a nunnak tiang pe ngamtu tlangval a sung a si’ tiah a let.

Zir theimi: Duhdawtnak dik himi hi ngah a har zet. Duhdawtnak timi cu ka ngah sal ding timi lungput nei riai lo in, midang hrangih nung le pek lam hlir hi a si. Mi pakhat khat in na duhdawtnak a hnong pang asile, amah si sung ding, hringnun ih thupi bik a sung tinak a si. Curuangah ziangtik hman ah riahsia in um aw hlah.
Source: Moral Stories

No comments:

Post a Comment

Siar Hlawh Bikmi Thulu Pawl