Pa/Fa Rual

Pa/Fa Rual

Pa pakhat in a to-aw ringring mi fapa tam zet a nei. Nun a sim hai, to-aw ringring hlah uh tiin a don rero nan a don thei lo tikah, hitin tahthimnak a pek hai.

Nikhat cu a fale pawl kha zanthin pakhat ciar rak keng fingfing dingin a fial. An rak keng cio tikah, zanthing cu hmun khat ah a tem khawm ih himi zanthing hi ti kiak theh uh tiah a fial. An cahnak zaten an zuam nan, pakhat te hman an ti kiak thei lo.

Asinan a tem khawm mi cu a phoih ih pakhat teten a ret theh hnu ah, ti kiak uh tiin a fial lala. Cuih zanthing cu olten an ti kiak theh. Cui hnu ah hitin a sim hai:

Ka fale pawl, lungput pakhat nei in nan tanrual tlang a si ahcun himi zanthing tomkhawm mi vekin nan cak ding. Nan ral pawl in an lo do tik khalah an lo neh dah lo ding. Siatsuah theih lo khop in nan cak ding. Asinan pakhat le pakhat nan do awk ih nan then tek-awk a si ahcun himi zanthing pakhat vekin ol-ai ten an lo siatsuah ding a si tiah a sim.

Zir theimi: Tanrual cu cahnak.

Source: Moral History