Fimnak
Tithawl
Nikhat cu siangpahrang Akbar kha a
rinsan zetmi Birbal parah a thinheng tuk ih a ram uknak sung ihsin suak dingin
thu a pek. Birbal cun siangpahrang ih thupek cu upat zetin a cohlang. Hmun hla
zet, a theih dah lonak hmun le ram ah khuasa dingin a feh.
Thla rei zet a hung liam cun Akbar in
Birbal cu a ngai thok thlang. Birbal tel lo cun a ram sungih thubuai kha a
tifel thei lo. Thinheng ruangih thu ti tluknak a tuah lohli cu a sir-aw sal.
Curuangah Akbar cun a ramsung ih ralkap pawl cu a ko thawm ih Birbal hawl
dingin a fial. Asinan zo hman in an hmu thei lo. Zohman in a umnak khal an thei
lo. Akbar cun hitin thu a ruatsuak: Ka ram uknak sungih khua tinkim in fimnak
thawn a khat mi tithawl ka hnen ah an rak keng ciar ding. Tithol cu fimnak
thawn an ti khat thei lo asile sun le ngun thawn an ti khat a tul tiah thu a
pe.
Himi thupek hi Birbal ih umnak khua khal
ah a thleng ve. Khaw sungah mipi cu an pung khawm aw. Ziangtin kan tuah ding
tiin an buai celcel. Fimnak hi thil le ri men le a si fawn lo. Cun, himi tithawl
ah sui le ngun tlem dingin ziangtin kan ret ding ih siangpahrang hnenah ziangtin
kan kuat ding timi an rel celcel hai. An khua ih um ve mi Birbal cun, ‘tithawl
te kha in pe uh, thla khat kim hlan ah fimnak thawn ka ti khat theh ding’ tiah
a ti. Mikip in Birbal cu an zum ruangah an lungkim tlang ih Birbal hnenah an ap
cih. Birbal hi mi zo vek a si ti an thei hrih lo.
Birbal cun tithawl cu a lak ih loram
pakhat ah a feh. Cunak dawnfawh (water-melon) a cing. Dawnfawh fate pakhat kha
a lak ih tan lo in tithawl sung ahcun a hram thawn a cing. A zoh tha zet, tidai
khal punghman a pe. Dawm a phunphun thawn a cawm. Ni rei lo te ah, dawnfawh cu
a tha zutzo.
A rei hlan ah, tithawl tia lia ah a cang
cih ih tithawl ih ret ding cu a cang thei nawn lo. Curuangah, Birbal in a hram
ihsin pahnih an a tan ih pakhat kha tithawl thawn a ret tlangsal. Leh hnu ah,
siangpahrang hnenah a hei kuat ih hitin ca a ngan, “zangfahten fimnak timi hi
tithawl attan lo riai in le tithawl tikuai lo riai in thawn aw” a ti.
Akbar cun tithawl sungih dawnfawh cu a zoh
tikah hivek hi Birbal lawng nih a tuah thiam ti a thei cih. Akbar cu amah rori Birbal
umnak khua ah feh in Birbal cu a va hruai sal.
Zir theimi: Thubawh cahnak hi rang tukin
tuah hlah. Hmuh tonmi thar kan neihmi pawl ih a phi hi theih an har, simfiang
an har ti thei ringring fawn aw.
Source: Moral Stories
No comments:
Post a Comment