Wednesday, July 26, 2017

Pa pakhat le Kalauk


Pa pakhat le Kalauk

Khuahlan lai ah Banwarilal timi pacang pakhat hi khua pakhat ah a rak um. Mikip ih sim mi hmuahhmauh thlun thehtu, mi menmen/mi maimai a si. An khua nauhak pawl in a mizai an thei tuk ih hnihsuak sainak ah an hmang theu. Nikhat cu Banwarilal cu a fapa thawn an kalauk zuar dingmi bazar ah an feh rero. Khua pakhat an thleng ih cutawk khua ih nauhak pawl khal in a mizia an thei zet a rak si.

Nauhak pawl in Banwarilal le a fapa kalauk dung ih an feh rero lai an hmuh tikah, a fapa cu kalauk parih to dingin ruahnak an pe. A fapa cu kalauk parah a to ngaingai. Nauhak pawl cun, a fapa hmuah kalauk a to ih a pa hmuah a to ve lo tiin an cepoh ciamco. Cu tikah Banwarilal le a fapa cu umnak an thleng aw. A pa in kalauk a to ih a fapa in am dung in a khor rero hai. Culai ah nauhak pawl cun, nangmah lawng in kalauk na to ih na fapa hmuah bang zetin na tuah, ke in na fehter, nan pahnih in to lawlaw au tiah ruahnak an pe lala.

Ruahnak tha a si hi tiah a tiih nauhak pawl ih thu cu an thlun. Kalauk cu a bang tuk thlang ruangah a feh thei nawn lo, lamzik lai ah a bok. Nauhak pawl in kalauk bang cu an zangfak tukih ramsa thiam doctor hnenah fehpi dingin an fial hai. An pafa in nauhak pawl ih thu vek cun an tuah lala.

Lamlak ah, uico hrang an tong, a rak bo ciamco. Kalauk in a tih tuk ruangah an hmai ih tiva lakah a dawp ngah pang. Kalauk cu kumkhua in a hlo lanta. Banwarilal in a kalauk cu a can ta riai, ziangruangah tile amai hrangah zianghman ruat ciamciam ta lo ih ruahnak an pekmi a thlun ruangah a si.

Zir theimi: Mikip ih ruahnak pekmi pohpoh a thlun/lungtu cu midang ih hnihsan mi men ah an cang theu a si. Nang khal, mikip ih ruahnak pekmi pohpoh na thlun asile midang ih hnihsan mi men an na cang ding.  
Source: Moral Stories

No comments:

Post a Comment

Siar Hlawh Bikmi Thulu Pawl