Saturday, July 22, 2017

A Dik Lo Mi Lungput


A Dik Lo Mi Lungput

Nikhat cu pacang pakhat in Vui/Sai tampi kha a hmu ih a fehlai cu a cawl dukdi. Himi Vui pawl hi an ke ah hri fate takte ih an khih kha a hmuh tikah a mangbang zet. Thir cikcin/ thir hri thawn ti vekin an khit ve lo. Vui cun an khihnak hri pawl cu ol-aiten an ticat thei ko. Asinan ziangah si maw an ti cat dah lo lawlaw.

Pacang pa cun an kiangnai ih Vui khaltu pa cu, ‘ziangruangah Vui pawl hin an ke ih khih mi hri fate hi ticat in tlan an tum lo’ tiah a sut. Vui kiltu cun, ‘an nauhak lai ah cikcin thawn kan rak hreng ringring dah. An upat cun a tul nawn lo. Ziangahtile, annih khal in hri hi kan ticak thei nawn lo ding timi lungput thawn an thanglian. Curuangah an ticak tum dah lo lawlaw tiah a let.

Pacang pa cu a mangbang zet. Vui pawl hin hridai hi ziangtik lai caan khalah awl-ai ten an ti cak thei nan, kan ti cak thei lo ding timi lungput an neih ruangah an umnak ah an tang ringring tiah a ti.

Vui vekin kannih khal tuihlan ih vei hnih/khat kan rak hlawhtlin lo ruangah kan ti thei lo timi lungput nei in kan umnak hmun ah kan tang ringring a si lo sawm!

Zir theimi: Hlawhsamnak hi zirnak pakhat a si. Hringnun ih kan tonmi harsatnak ruangah beidong mai ding kan si lo. Hlawhsam dingih khawkhan cia na si ruangih hlawhsam na si lo, asinan hringnun ahhin zir ding tampi na neih ruangih na tonmi an si. 

Source: The False Human Belief 

No comments:

Post a Comment

Siar Hlawh Bikmi Thulu Pawl