Duhdawtnak
Mit A Caw
Tlangval pakhat in fala mawi zet nupi ah
a nei. A duhdawt zet. Nikhat cu a taksa ah natsia pakhat a vei. A mawinak kha
nuamnai teten an hlo vivo. Vei khat cu a pasal in hmundang ah a tlawnsan. Inn a tlung rero lai ah, a tuahmawh aw ih a mit pahnih in a caw. Asinan an nupa in
nuam zetin caan an hmang tlang vivo thotho. Can a hung rei vivo tikah a nupi ih
mawinak kha a hlo vivo. An pa mitcaw cun zianghman a hmuh thei lo tikah
zianghman a thei cuang lo ih an karlak ah zianghman danglamnak a um lo. An duhdawt
awknak cu a hnget sinsin sawn. Nikhat cu a nupi a thi ih a thin a nuam lo zet,
ni rei zet sung a zun tuar in a um. An umnak khua hman ah a um paih nawn lo ih
hmun dangah thawn a tum.
A dunglam ihsin pacang pakhat in a ko ih,
“a tucun ziangtin na feh nawn ding? tuini tiang na nupi in a lo bom ih anih le
a thi fawn?” tiah a ti. Anih in, ‘ka mit a caw lo. Mitcaw vekin ka um aw ter
hrim mi a si. Ziangahtile ka nupi ih taksa natnak kha ka hmu thei ti a thei
asile anih cun a natnak hnakin a tuar na sawn ding. A mawi ruangih ka duh mi a si lo,
asinan thinlung takih duhdawtnak diktak thawn ka duh mi a si. Curuangah mitcaw
vekin ka um aw ter hrim. A thin nuamter ringring ding hi ka tumtah mi a si sawn ruangah’
tiah a ti.
Zir theimi: Mi pakhat khat na duh taktak
a si ahcun, a thin nuamter dingin na zuam ringring ding. A cang ahcun a thin
nomnak dingah tiin hnihsuakza le atthlakza thil tampi na tuah ngah cang khal a
um theu ding (hivek tuah hi a thatnak lai a um). A tlinlonak khal thei lo bangin
le zianghman poi sa loin, a sinak vek cikci in na duh ding. Mawinak timi cu ni
khatkhat ah a ziamral leh ding, asinan thinlung le ruahnak timi hi cu amak kel
a si ringring. Mi pakhat khat na duhdawt tikah lenglam ih a sinak ah thum aw
loin, sunglam sawn ah thum-aw aw.
Souce: Ancient Histories
No comments:
Post a Comment