Rualpi
Tha Bik
Rualvah hnih te nelrawl ramcar lakih an
feh rero lai ah, thu pakhat an el aw. An thinhengnak a sosang deuhdeuh tikah pathat
sawn in a rualpa ih hmai ah a beng ngah. Na a ti zet, asinan zianghman tong lo
in, nelrawn vutnel parah, ‘tuini cu ka rualpa nih in thong’ timi a ngan.
An feh vivo ih cirh pakhat an hmu. Cunah
an cawl ih an kholh aw tum. Beng a tuartu pa kha ciarbet lakah a tang ih a thi
leuleu. A rualpa in a runsuak man ceu. A rualpa ih runsuah hnu ah, ‘tuini cu ka rualpa in ka nunnak in runsuak’
timi lungpheng parah a ngan lala.
A rualpi tha bik, a bengtu le a nunnak
runsuaktu pa cun ‘ka lo beng ttum ah vutnel parah ca na ngan ih na nunnak ka lo
runsuak ttum ahcun lungpi parah na ngan, ziangruangah?’ tiah mangbang nawn in a sut. A rualpa cun, ‘mi
pakhat khat in an lo tuahmawh/ nater pang asile theihhngilh le ngaithiam dingin thil ih a
semhlo lohli theinak hmu vutnel parah kan ngan theu. Asinan, mi pakhat khat in na
parah thil tha a tuah asile thilsia le ruahsia ih a semhlo theilonak hmun lungpi
parah kan ngan tengteng a si’ tiah a ti.
Zir theimi: Na nun ih na neihmi
thil le ri hi thupi tuk in ret hlah, asinan hringnun ih na neih mi milai/rualpi sawn kha thupi ah ret aw.
Source: Novel Stories (E Book)
No comments:
Post a Comment