Minute
Panga Sung Caan
Nikhat cu pangpar human pakhat ah nu
pakhat in a fate lek kha a zok rero. A tonak ah putar pakhat a ra to ih khitawk
ih lek rero khi ka fapa te a si khi tiah a kut thawn khih phah in putar pa cu a
sim. Na fapa te cu a va piang ve tiah a ti. Putar pa khal in khitawk bike parih
to, angki rang hruk khi ka fanu te a si khi tiah a hmuh ve.
Putar pa cun a nazi a zoh hnu ah, a fanu
cu a ko. Melissa, ka tlung thlang pei maw tiah a sut. Melissa cun, ka pa minute
panga te in hngak hrih aw, ziangfahten tiah a dil. A pa cun siseh a tiih a fanu
te cu nuam takin a va leksal, a bika tomi cu a va to sal. Minute 5 a rei hnu
ah, a pa cun, Melissa kan tlung thlang ding tiah a sawm lala?
Melissa cun, ‘Pa, minute 5 te in hngak
hrih aw, zangfahten maw tiin a dil lala. Minute nga lawg. Putar pa cu a hni ih
si ko seh tin a ti lala. A kiangih to nupi nu cun, thinsau zetmi pa na si hi
tiah a ti.
Putar pa cu a hni ih hitin a tong, a upa
Tommy hi himi mi kiangte ih bike a mawng rero lai ah, nikum ah zuri pa in
mawtaw thawn a rak taih that dah. Tommy thawn hin caan kan rak hmang tlang dah
lo, cang thei sehla a hrangih minute 5 pek cu ka huam tuk ding nan. Curuangah
ka rak tisual mi hi Melissa parah cun ti sual nawn lo dingmi thu ka tiam a si. Bike
to dingin minute 5 sung caan a nei sal tiah a ruat aw. A taktak ahcun ka fanu
ih lek zoh dingah minute 5 sung caan ka nei bet sawn a si a ti.
Zir theimi: Hringnun hi ziangmi a thupi
sawn timi duhhrilnak hlir in a khat. Inn sungsang hi a thupi tuk ruangah thupi
bik ih kan ret/hril thiam a poimawh. Curuangah na duhdawtmi pawl thawn a tam
thei bik ih caan hman tlang tum aw.
Source:
Unknown
No comments:
Post a Comment