Khuahlan
laiah mi dang hrangih tangtai zet mipa a rak um. A thinlung a tha, mi bawm a
paih ih a tirh khal a siang fawn. Midang zawn a ruat thei zet. Midang nih an
fial kherkher lo khal le a lakin mi a bawm ringring. Mi bawm hi nuam a tiih a
lungawinak khal a si. Nikhat cu lamzin lai ih a feh rero laiai paisa bawm a
sar, a la ih a zoh tikah a sungah zianghman a rak um lo. Cuih paisa bawm a sar
laicu nunau pakhat in a hmu ih palik hnenah a tai. Kaih a tong ta riai.
A
sungih ka paisa kha khuinah na thup tiah nunau nu cun a sut leuhleuh, cupa in
le paisa bawm kha zianghman a um lo mi si tiah a let. Nunau nu cun awkam hrang
nawn in, in pe sal aw, paisa kha ka fapa ih tlawng kainak ding hrang a si tiah
a ti. Nunau nu hi lungrethei a si ti a hmuh tikah mipa pa cun a paisa neihmi
hmuhhmuah cu a pek theh. Ka paisa hi la aw, harsatnak ka lo pek ruangah in
ngaithiam aw tiah a ti. Nunau nu cu a tlung ih palik pawl in mipa pa cu thu
dangdang an run sut ciamco.
Nunau
nu cu a lungawi zet, asinan a paisa a siarsal tikah a let in a rak tam. A lau
zet. Nikhat cu nunau nu in a fapa hrang tlawng fee pe dingih a feh rero laiah,
mi pakhat in a dunglam ihsin a thlun rero ti kha a thei. A paisa laksak in a
tuahmawh ding ti a phan ruangah a kiang nai ih palik hnenah a feh. Cui palik cu
tuihlan ih paisa bawm thuhla ih a rak biak dah zo mi a si. A dunglam ihsin mi pakhat
in a thlun rero thu pawl a si. Cupa khal a bang tukih an kiang naite ah a rak
to huahhi. Kaih tum ih an va hawl tikah tuihlan ni rei lo te ih paisa bawm
thuhla ruangih an rak kaih dahmi pa kha a rak si.
Cupa
cu a banghmel zet tikah nunau nu cu a bangmang zet. Palik pawl in nunau nu
hnenah, ‘kan dung kha hipa hin na paisa a lo pe sal mi a si lo, na riahsiat zia
a hmuh tikah amai paisa a lo pek a si. Anih hi fifir hmang a si lo. Asinan na
fapa ih tlawngkainak ding a si ti thu a theih tikah a thin a nuam lo zetih a
paisa rori a lo pek mi a si’ tiah an ti. Palik pawl in mipa pa cu an tho ih mipa
pa cun nunau nu hnenah, ‘rak feh sung aw la, na fapa hrang ding tlawng fee cu
va pe ko aw. Ka lo hmu ih ka lo thlun cih mi a si, ziangahtile na fapa ih
tlawng fee kha zohman in an lo firsak lonak dingah ka lo kilkim duh a si’ tiah
a ti. Nunau nu cun tong ding zianghman a thei lo.
Zir
theimi: Hringnun timi hin a danglam zetmi hmuhtonnak a lo pe theu, a lo
mangbangter ih a lo lauter theu. Kan thinhengnak ruangah, beidongnak ruangah le
mangbang vansangnak ruangah dik lo zetin thu kan then theu ih a dik lomi kan
tuahngah theu. Asinan, caan tha na ngahsal tikah na thil ti sualmi pawl kha rem
tha aw la an lo zangfahnak man kha a pek hna thiam aw. That tum aw la,
zawnruahnak nei fawn aw. An lo pekmi parah siseh na ngahmi parah siseh
lungawihna thiam aw.
Source : Stoty Books Part 2
Source : Stoty Books Part 2
No comments:
Post a Comment