Milian
pa le Pundit
Hindu biaknak ih mifim zet pundit himi
hi khua pakhat ah a rak um. Bible thiamsang, Bible sung ih ummi thuhla
hmuahhmuah thei thehtu, mi ropi zet a si. Asinan a farah tuk. Inn le lo khal a
nei lo. Nitin tei a ei ding hman hi harzet in a ngah fangfang. A hnipuan khal
an tawntai, an tet hnianghniang.
Curuangah, Pundit cun a ei dingmi hi midang
hnenah a dil theu: Inn khat hnu inn khat feh in zangfahten ei ding rawl in pe
aw a ti. An angki hrukmi a siat tuk tikah midang nih mi-aa ah an ruat.
Curuangah, va tlan men aw an tiih sangka an onsak duh dah lo. Ni tampi sung
rawl lo in a um.
Ni khat cu angki thar a ngah. Milian pa
ih pekmi a si. Angki thar hruk phah in rawl cu inn khat hnu inn khat dil dingin
a feh lala. Inn hmaisa bik a va luhnak ih inn tekpa in, ra lut aw, sayapa. Kan
inn ah rawl ei aw tiin an rak sawm hngalh. Cu tiin Pundit cu upat tihzahnak
thawn an rak hmuak.
Pundit cu rawl thaw zetzet, sa phunphun
le rawlhmeh thawthaw ei dingin a to thlang. Thla a cam hmai ih, a theh veten sa
thaw zet pakhat a lak hnuah, sa cu a angki kha barh a tum. Ei aw, ei aw tiin a
ti ciamco!
Hivek ih a tong lai an hmuh tikah inn
neitu te cu an bang a bang zet. Angki in rawl an ei thei maw si? tiah anmah le
mah an sut aw ih a tong duhsan an theithiam lo. Mi ropi Pundit, ziangah angki
cu rawl na pek tum rero tiah inn tekpa cun a sut.
Pundit cun hitin a ti, himi angki thar
ruangah nannih in rawl in do. Mizan tuvek tikcu caan ah hinah rawl ka ra lo dil
ih in rak dawi hlo men. Himi angki thar ruangih rawl ka ngah ruangah a parah ka
lung a awi tuk mawle. Curuangah rawl ka donak a si tiah a ti. Inn neitu te cu
ningzak le tawsup in an um.
Zir theimi: Zohman zohman a lenglam
zohnak lawngin an thu va then hrimhrim hlah.
Source: Stories For Kids
No comments:
Post a Comment