A Mawi Mi Pohpoh Hi An Tha Theh Lo
Zukneng kha a tihal zet. Tikhur pakhat
ah tidai in dingin a feh. Cui tikhur cu dawlmi a si ruangah a fim, a thianghlim
zet. Tidai inn ding cun a timlam.
Amah le mah a hmu aw. A kii pawl a
hmuh-awk tikah a suang aw zet. “Ka kii pawl hi ziangtluk mawi le duhnung so an
si” tiah a ti. A ke a zoh tik ahcun a riahsia zet ih a sersiam tu Pathian
lamlam a mawhthluk ih a cam ciamco.
Asinan tidai a inn zawng ciah ah ramtawi
pakhat a uico thawn feh rero lai kha a hmu. A tih tuk ih zamrang thei bikin
hmun dangah a tlan. Hmun dang hla zet a thleng nan, a kii kha hramrul lakah a
awk aw.
A kii cu lasuak dingin a zuam rero nan,
a lasuak thei lo. Culai ah ramtawi pa cu a uico thawn an ra thleng ih zukneng
cu an ra kai ngah.
Zukneng cun, “a rak zawmtai rero mi a
kee in a runsuak thei nan, a mawi zetmi a kii in thihnak a thlenter” ti kha a
theisuak.
Zir
theimi: A tleu thei mi pohpoh hi sui an si lo.
No comments:
Post a Comment