Khua
pakhat ah rualvah hnih te an um. An hmin cu Raju le Ramu an si. Nikhat cu khua
hlapi ah an tlawng. An pahnih in ziangvek harsat caan lai khal ah bawm-aw ton
dingin thu an tiam aw.
Ram
thing lak ih an feh rero lai ah savom tum zet pakhat an hmu. Cui savom cu an
lam ah a ra vivo. An hmuh tikah an tih tuk ih an khur rero. Ramu cu a nunnak
hum dingin thing parah a kai. A rualpi ih nunnak kha a ngaihsak nawn lo. Raju cu
thing par kai dan ding a thiam ve lo a rak si.
Asinan
a fim hrokhrawl zet. Savom in mithi ruak kha an tham dah lo, an ei dah lo ti a
rak thei. Curuangah mithi vekin a um, savom cu a thih-bun. Savom cu a hnen a ra
thleng ih Raju ih taksa cu a hnim. A thi zo hmangih a ruah ruangah hmun dang ah
a tlan hlo.
Savom a tlan hnu ah Raju cu a tho ih a rualpi
Ramu khal thing par ihsin a rungtum ve. Ramu cun a rualpi Raju kha, “savom in
ziangmi thu a lo sim” tiah a sut. Raju in “savom in rualpi tha lo lakah va
ralring/fimkhur aw” in ti a ti.
Zir theimi:
Rualpi tha lo lakah va fimkhur aw asilole na thil ti theinak (na fimnak) kha
hloter hlah.
No comments:
Post a Comment