A
Dik Lo Mi Sibawi pa
Nikhat cu kum upa thlang, nupi nu pakhat
in a mit a ti siat ih mitcaw ah a cang. Sibawi pakhat an koi h cu nu ih mit a
damter thei asile paisa tampi pe dingin a lungkim.
Asinan a dam thei lo a si ahcun paisa
pia khat te hman ngah lo ding a si. Sibawi pa cu cu nu ih mit tuamhlawm in a inn
ahcun nitin ten a feh ringring.
Sibawi pa cun cu nui’ inn sungih um thil
le ri mankhung khung a fir thok thlang. Nitin ten thil pakhat tal a la
ringring. Curuangah cu nui’ mit cu a ti damter duh lohli lo. Thil le ri a fir
theh hnu lawngah cu nu ih mit cu damter. Sibawi pa cun damter man a dil thlang.
Asinan nunau nu cun a el, ka dam ngah ngaingai lo a ti.
Sibawi pa cun zung ah taza a cuai thlang.
Thuthennak zung in nunau nu cu, “ziangah a lo damternak man cu nan thukam vekin
na pek lo” an ti. Cu nu cun ka mit hi a zaten a dam verver hrih lo a si a ti.
Cunu cun a inn sungih a ret mi thil le
ri kha a hmu thei hrih lo. Thuthentu khal cu fim tak a si. Thu um dan a
theithiam mai ih sibawi pa sawn riangri kha cawhkuannak a pek.
Zir
theimi: Diklonak hin rei lo te sung cu mi a neh thei men,
asinan a netnak tiang mi a neh thei ngaingai lo, a sung ringring a si.
Source: The Hidden Treasure
No comments:
Post a Comment