Thlalang
Ih Zohawknak
Nikhat cu hnatuantu pawl kha zung an
thleng ih sangka tlun ah ruahnak tha zet tarmi an hmu. Cucu: Hitawk kompani
sungih na thansohnak lo dawnkhamtu pa kha mizan ah a thi zo. Vuinak tuah ding
kan si ruangah nan zaten ra tel cio dingin kan lo sawm.
A tir ahcun an hnatuanpi pakhat a thi ti
an theih tikah an riahsia zet, asinan tawkfang cun zo si kan thansohnak in
dawnkhamtu cu a si timi theih an cak zet. Mithi ruak cu amah ih umnak khan ah
thingkuang thawn an ret. Mithi vuinak ding hmun cu palik pawl buainak um lo
dingin an kil. Zo si kan thansohnak in dawmkhamtu timi theih duh ah mipi cu a
bur a bur in an ra luihho. Mi tinkim in ‘zo si cuvek mi cu, kan thansohnak in
dawnkhamtu’ cu tiah thu an sut aw ciamco. An zaten in a ruak retnak an zoh
tikah an mang a bang tukih an tong dan ding an thei nawn lo. A ruak retnak sir
ahcun dai khepkhep in an to, tuar na ding awm tak vek khin!! Cun mithi ruang
retnak sung ahcun thlalang a um. Mitin kim in an zoh tikah mai hmulhmel
fingfing an hmu aw.
Thlalang sir ahcun hminsinnak pakhat a
um. Cucu hitin a ngan aw, ‘na thansonak ding lo dawnkham theitu pakhat lawng a
um. Cucu nangmah hi na si’. Nangmah
lawngin an hringnun na thleng thei. Na lungawinak le na hlawhtlinnak ding siseh,
mah le mah theihawknak khal hi nangmah ah a thum aw ih a um a si. Na hringnun
hi nangmah lawngin na bawm thei. Na boss pa ih nunnak a thlengawk tikah na
nunnak a thleng-aw ve lo. Na rualpi a thlengawk tikah, na thleng aw ve lo. Na
company a thlengawk tikah na thlengaw ve lo. Nangnmah ih thlengawknak ding mi
parah nangmah hi na thupi, tuanvo na nei ti na theihawk tikah na hringnun a
thlengaw a si. Na hringnun ah pehzom awknak tha bik na neih thei mi cu nangmah
hi a si.
Zirh theimi: Leitlun hi thlalang vek a
si. Na zum mi le na tuahmi pawl ziang an si ti a lo theihter sal theu.
Source:
Unknown
No comments:
Post a Comment