Pehzom-Awknak Hngetter Dan

Pehzom Awknak Hngetter Dan

Ka nauhak lai ahhin ka nu hi rawl suan paih zet a si. Zan khat cu ka hngilh thei lo, ka nu in zanriah a suang rero. Thaw tak ih suan a tum ruangah a tuan bang zet, sunvu in hmeh a timlam rero. Cuih zan cu a buai deuh ruangah arti kio, voksa le arsa pawl khal a ti cak/kang theh. Cui hmeh kang pawl cu cabuai par, ka pa ih hmai ah a ret. Ka pa cu a phunzai tak pei maw ti ka zohthup ringring. Asinan ka pa cun cui hmeh pawl cu lungawi le hni siamsi ten a ei ih, tlawnginn ih ka ni hman dan a nuam le nuam lo sawn thu kha in sut riangri. Ziangmi ka sim ti ka theiciah nawn lo, asinan ka pa in cui hmeh kang/cak pawl kha a zaten a ei theh ti cu ka cingfel nasa.

Cui zan cu cabuai ihsin ka din veten ka nu in ka pa hnenah hmet a ti kangnak parah a thiam aw lo zet, ngai dam a dil kha ka thei. Ka pa ih simmi hi ka hngilh thei zik lo: nupi, hmeh na ti cakmi khal hi ka duh thotho sokhaw!

Cui zan cu ka it hlan ah ka pa kha mangtha ka va pe ta, ka va hnam ta, cun ka nu ih hmeh tikang mi pawl kha a duh ngai le ngai lo ka sut. A ttang ahcun in pom ih hitin in ti, na nu hi sun ni vu in rawl a suang, zanriah a timlam, a bang tuk a si. Curuangah kha vek hmeh ticak mi men in a thinlung nater ding a si lo, khavek thil mak lo men ah kawk aw rero ding a si lo in ti.

Zir theimi: Hringnun hi tlamtling lonak hlir in a khat. Zo hman hi kan tha bik lo, hi leitlun ah “bik” timi khal hi a um thei ngaingai lo. Kei tla cu ka suahcam hman ka hngilh caan a um a si. Asinan kum hi tizak liangluang sungih ka zir ngahmi pakhat cu mi pakhat khat asilole kan koppi ih tlamtlin lonak le danglamnak theithiam/cohlang thiam hi pehzom awknak ti caktu, ti hngettu le ti damtertu a si ti ka zir ngah a si.