Pathian
Ih Mi A Bawm Dan
Tipi kap ah khua fate zet pakhat a rak
um. Hi khua sungih umpi pawl hi an mah tawkin an nuam aw thei zet, biakinn ah tla
thla an cam tlang theu, Pathian an bia tlang theu. Vei khat cu fur caan a rung
kim ih ruah a tam ciamco tikah an khua sungah ti a lik thok. An khua pawh in an
thilri lak thei zat hmuahhmuah la in a himnak hmun, hmun dang ah feh/thawn an
tum.
Culai ah pacang pakhat hi biakinn ah feh
in puithiam umnak khan ah a lut. Aw sayapa, “kan khua ah ti a lik thok thlang,
curuangah kan zate in hmun dang, a himnak hmun ah thawn dingin kan poksuak zik
thlang, in thlun cih mai aw” a ti. Puithiam pa cun “nannih vekih pathian bia lo
ka si lo. Ka Pathian biak mi in hi harsatnak lak ihsin in run suak ding ka zum”
a si. Amah zum in ka um, curuangah in rak tan sung mai” a tiih pacang pa cun a
fehsan. Tidai cu a thang deuhdeuh, puithiam pa ih umnak khan tla a thleng
thlang ruangah tlunta khan ah feh in Pathian hnenah bomnak dil in thla a cam
rero. Culai ah pacang pakhat hi lawng thawn a hnenah a ra ih puithiam pa na thi
taktak ding sisi, nangmah run dingin ka ra. In thlun cih mai aw a ti. Puithiam
pa cun ka lo thlun lo ding, tuihlan liangluang ka rak biak ringring mi ka
Pathian in in runsuak ko ding” tiah a rak ti. Cupa cun a fehsan.
Tidai kha a thang deuhdeuh. Puithiam pa
ih umnak khan a thleng lala. Curuangah khan tlunta bik, a zim bik ahcun a kai.
Culai ah midang in vanzam thawn puithiam pa cu ra run dingin a hnen an ra. A
umnak hmun ah hri an vun thlak ih, hri hi hun vawk aw. Cun a himnak hmun ah kan
lo ret thei ding an ti. Asinan a el thotho, tuihlan ih midang a rak sawn dan
vek cekci in a rak sawn lala. Curuangah tidai le a tam vivo. Puithiam pa cu a
pil zik ngaingai thlang tiah, “Bawipa, ka nun sung nangmah ka lo bia/rian ih ka
zumnak khal nangmah ah ka bun! Ziangah keimah run dingin na ra lo?!” tiah
Pathian a mawhthluk thlang. Bawipa cu a hmai ah a ra lang aw ih, “aw milai pa,
hi lawmam in maw na at. Vei thum rori nangmah run dingin ka ra: A himnak hmun
ah lo fehpi dingin ka lo sawm. A vei hnihnak ah lawngpi thawn ka ra, a vei thumnak
ah vanzam thawn ka ra. Nangmah in in theithiam lo a si, ziangsaw kei in sualnak
ka neih” tiah a ti.
Puithiam pa cun a tipalhnak le a sualnak
a theisuak ih Pathian hnenah ngaidam a dil. A himnak hmun ih feh theinak caan tha
veikhat a ngahsal. Cumi cu a co thlang ih a nunnak cu runsuah a si.
Zir
theimi: Hringnun ahhin caan tha timi hi kan theih lo in a
ra theu. Ka theithiam theu lo ih ziangah kei bil thlawhtlinnak caan tha ka ngah
ve lo tiin ka phun kan zai. Caan tha na ngah
mi poh kha na hringnun tuahthatnak ding hrangah rak la ringring aw.
Source: The Way God Helps
No comments:
Post a Comment