Duhdawtnak le Diknak

Duhdawtnak le Diknak

Nupa, Steve le Sarah hi an neihawknak kum 10 a rei zo, kum 11nak ih fa an nei cuang lo asile sungkhat unau pawl in thenawk ter an tum. Curuangah kum 11nak cem hlan ah fa neih thei an beisei zet. Asinan an duhdawt awknak kha a hngetkhoh tuk ruangah zohman in an then thei cuang lo. Nithla tampi liam tlang, nikhat cu Dave kha a hna tuannak ihsin inn a tlung rero lai ah, a nupi kha pacang khat thawn an feh tlang lai a hmu. Mipa pa cun Dave ih nupi cu a kuah ih thu nuam an reltlang rero. Ni tampi cupa thawn an um tlang lai kha a um theu. Zan khat cu Dave kha a hna tuannak ihsin inn a tlun lai ah cupa cun Dave ih nupi cu mawtaw thawn a thlah ih an hnam awk lai a hmu. Dave cu a thinheng zet, asinan zianghman a tongsuak lo.

Nihnih rei hnu ah, Dave cu inn ah a um ih tidai a in rero lai ah pakhat pa cun a nupi cu a rak phone. Dave cun phone a kai, pakaht pa cun, “Hello dear, tuizan cu kan thutiam vekin na inn ah ka ra ding sokhaw” tiah a ti. Dave cun phone cu a thlak. Mipa aw a si ruangah zo a si ti a theifiang zet. Ka nupi thawn kom-aw theutu a si ti a theifiang mai. A thinlung te in kan nun in in phahsan zo ti a ruat tikah a thinna zet. A tidai in lai rori hman a kut a thia theh, tino cu a ti tlak ih an kuai theh.

A nupi cu ramrang zetin a ra ih, “ziang na cang, papi” tiah a ra sut. Thinheng zetin a nupi cu a thong ih a tlu. A nupi cu a tho nawn lo. Dave in tino a ti tlaknak ah a nupi cu a tlu ti a theisuak sal ih thoter a tum. Tino kuai cun an nu cu a sun. Thinhnai thawn a khat, a cemthla zikte, asinan a thaw cu a thaw rero. Mangbang zetin an nu cu a zoh rero lai ah a kut thawn cahnah (paper) a hum mi a hmu. Dave cun a lak ih a zoh. Cuih cahnah sung ahcun hitin a ngan aw:

“Ka duhdawt zetmi kan pa, tongkam lawng cun simfiang ka thiam lo ruangah ca thawn hitin ka ngan. Ka lo sim tum mi hi ngai tha aw. Tui hlan zarh khat sung kha sibawi (doctor) hnenah piah aw dingin ka um. Sibawipa in faphir nei ding na siih tu ihsin thokin thla 2 lawng a duh in ti. Cui sibawipa cu ka unau a siih nangmah thawn kan neihawk hnu kan hmu aw nawn lo. In kilkhawi tha dingin thu in tiam, cun kan nau neih ding khal hi a tha thei bikin in tuamhlawm a tum.

Tuini khal amah thawn zanriah ei tlang dingin thu in tiam. Ka kiangih na um ringring ruangah le tuini tiang in duhdawtnak parah ka lungawi a si”.

Na duhdawt zetmi na nupi”.

Cakuat a siarmi cu a kut par ihsin a tla. Cule veten mi pakhat in sangka a king. Cupa cun, hello Dave, Max ka si, nan nu ih upa” ka si tiah innsung a lut cih. Max cun a naunu tapthlang ah thihnai thawn ril cu a hmu. A naunu cu a pom ih sizung ah zamrang thei bikin a fehpi lohli. Asinan zianghman a thei aw nawn lo, biak theih nawn lo a rak si, a pum sungih a pai mi faphir pahnih khal an nunnak a cem.  

Zir theimi: Nupa karlak ah si maw, kan duhdawt mi thawn kan pehzoh awk-nak parah si maw, an nuncan dan le an thil tuahmi par ah thu felfai sut ta lo le an thuhla felfai zetih kan theih hlan ahcun zamrang zet ih thubawh cahnak tuah lohli, asiole a tul lo mi thil tuah lohli ding kan si lo. Sualnak le tlinlonak nei cio kan si. Midang ih sualnak  kha zamrang zetih thu va thensak ding kan si lo. Midang thuhla na theihmi, na hmuhmi le na zumnak hmuahhmauh hi an dik theh lo. Thil na hmuh mi le na theih mi parah nangmah le nangmah thu nun-aw thei ding le uk-aw thei dingin zuam sawn aw. 

Source: Moral Stories