Putar Pakhat le A Fapa

Putar pakhat le A fapa

Putar pakhat hi Minnesota himi khua ah amah lawng a um. A hmuan ah kawlhang (thing bokbawn) cin a duh zet. Asinan hna khungkhai a si ruangah a pitlin lo. A fapa neihsun, a hna tuansak tu ding le thawnginn ah a um. Putar pa cun a fapa hnenah hitin ca a kuat:

‘Ka duhdawt mi ka fapa, tui kum cu ka hmuan ah kawlhang ka cing thei nawn lo ding ruangah ka riahsia zet. Ka hmuan hi ka ngai thei zet, ziangahtile na nu ih thlaihnah/thlairah a rak cin theunak a si. Ka tar tuk zo ruangah lo thlo le leilung lai thei ding ka si nawn fawn lo. Ka hnenah um aw la cu ka harsatnak pawl hi an hlo theh ding nan si. Thawnginn ah um lo aw la cu ka ai-ah lo na thlo dingih kawlhang khal na cing ding nan. A lo duhdawttu na pa’ tiin ca a kuat.

A rei hlan ah a fapa in a pa ih cakuat cu hitin a pian lohli: Ka pa, hmuan ih leilung kha lai nawn aw hlah. Meithal ka thupnak hmun a si a ti. A thaizing zinglam nazi 4 hrangah FBI palai le an khua ih palik pawl cu ra in hmun sungih meithal cu an hawl ciamco, asinan pakhat hman an hmu lo. Putar pa cu a mangbang tukih zingsi a cang rero, ziangmi ka tuah thlang ding timi a hei sut. A fapa cun, ‘ka pa, kawlhang cu hmuan sugnah va cing ko aw. Hitawk ihsin himi lawng hi na hrangih ka tuah thei mi umsun cu a si tiah a let.

Zir theimi: Leitlun khui hmun ih na um khalle, na thinlung ihsin thil pakhat khat tuah na tum ngaingai a si ahcun na tuah thei a si. Thinlung hi a thupi bik, khuinak in na ra asilole khuihmun ah na um ti hnakin na thilung hi a thupi sawn a si.

Source: Stories for kids